Lyrics and Poetry

Posts tagged “literatura

Panakip-butas

Title: Panakipbutas
By: Yours Truly

Malungkot ka na naman at nag-iisa
Hindi mapakali, hindi magkandaugaga,
Naghahanap ng kausap sa akin
At humahagilap masasandalan sa aking balikat.

Heto naman ako, ang magliligtas sa’yo.
Magbabasag ng oras, makita ka lamang.
Magpapakatibay sa nararamadaman,
Iiwasang umasa at mahulog habang ikaw ay nandiyan.

Habang kinukumpuni tayo ng panahon,
Hayaan muna nating ikaw ay maghilom.
‘Wag pansinin ang sugat ng puso ko,
Dahil mas magdurugo ito kapag ika’y nalulungkot.

Isigaw mo sa akin ang lahat ng galit mo,
Suntukin ang aking dibdib kasamabay ng pagtangis mo.
Ako na lamang ang sasalo ng mga ito,
Dahil matibay naman ako kapag nasa tabi kita.

‘Wag mo lang akong tititigan sa mata,
O hahawakan ang akin kamay,
Dahil sa mga simpleng pagkilos mong ganito,
Ako sa’yo ay muli na namang bibigay.

Hayaan mo na lang maging panakipbutas ako
Nang sa iyong paglisan, pagkatapos nito,
Kakayaning kong tumalikod nang hindi nasasaktan.
Kakayanin kong umikot at tanggapin lahat.

Tatanggapin ko lahat na ako’y kaibigan mo…lang.
Walang kang iisipin na na ako’y masasaktan.
Pagkat narito ako para sa’yo
Anuman ang paulit-ulit mong dahilan.

Basta alam mong mahal na mahal kita,
Basta alam mong naririto lang ako,
Ayos lang iyon para sa akin,
Ang mahalaga ako ang tinatakbuhan mo.

Hihilingin ko na lang na balang-araw
Hindi ka na tatakbong palayo sa akin;
Na sana ang gabi na ito,
Ito ang huling paglisan mo sa aking piling.


Ikaw Na Lang Sana

Jose Malvar King
Title: Ikaw Na Lang Sana
By: Francis Moje

Bakit ‘di ko magawang limutin ka?
Bakit ba patuloy na umaasa?
Kung ako ang tatanungin, siguro iisa lang ang sasabihin,
Mahal kasi kita, kaya ikaw na lang.

Ikaw na lang, ang aking hihintayin,
Ikaw na lamang, ang aking iibigin.
Maguluhan man ang aking mundo,
Sa’yo ang buhay ko ay hihinto.
Ikaw na lang, ikaw na lang sana.

Bakit ba ako’y nahumaling sa’yo?
Siguro para sa akin, perpekto ang angas mo.
Nasasaktan dahil may iba ka na yatang mahal,
Ngunit ako’y maghihintay.

Ikaw na lang ang aking mamahalin.
Ikaw na lang ang papangarapin.
Hindi na maghahanap pa ng iba,
Pumuti man lahat ng buhok sa aking bumbunan.
Mahal kasi kita, kaya ikaw na lang sana.